Youth Experience ta un komishon, kaminda hóbennan ta desaroyá programanan di televishon pa pasa na kanal 8 riba djaweps 4 or.

Den e komishon aki e hóben por ta sea e presentadó òf esnan ku ta traha programa, Si bo tin e abilidat di por traha ku kámara òf editá programa di televishon bo tambe por forma parti di e komishon aki.

Hey hóben esaki ta algu pa bo ?

E komishon aki ta pa desaroyá un noti boletin pa tur hóbennan, lidernan, pastornan i laikonan, su karakter lo bai ta mas hubenil. E ta un noti boletin katóliko kaminda lo bai tin informashon, interkambio di opinion, formashon di nos fe i desaroyonan katóliko i muchu mas.

Den e komishon aki e hóben por ta sea e redaktornan òf e fotógrafo òf esun ku ta keda enkargá ku e layout. (arte gráfiko)

Hey hóben esaki ta algu pa bo ?

Hustisia sosial ta un komishon kaminda abo komo hóben ta bai traha riba puntonan ku por yuda nos hubentut. Manera
kon pa atendé ku hóbennan ku no tin trabou, hóbennan ku problemanan i inkietutnan, hóbennan ku no tin di komo. Yuda e hóben desaroyá pa e no kai den mal kamindanan.

No prekupá bo hóben, si abo tin e gana di ta den e komishon aki i no sa kon pa traha den dje, Pastoral hubenil mes lo yuda bo, dor di duna bo kursonan, hèrmènt nan kon pa logra esaki

Hey hóben esaki ta algu pa bo ?